مشاريع صغيرة في الجزائر من طرف الجزائريين الشبابهل تبحث عن افكار مشاريع صغيرة في الجزائر؟ هل عن مشاريع مربحة جدا براس مال صغير جدا في الجزائر ؟ ادا كنت تبحت عن افكار مشاريع صغيرة مربحة جدا وغير مكلفة في بلادنا فانت في المكان الصحيح .
مشاريع صغيرة في الجزائر
في هده القائمة من عرب تكنولوجي سنقوم بعرض جميع المشاريع المربحة وقليلة التكلفة عن تجربة ستجد سلسة لكل الانواع مشروع مربح من المنزل للرجال والنساء افكار مربحة من المنزل للبنات ستكون مقالة شاملة لن تخرج منها بدون مشرع
مشروع خياطة من المنزل
مشاريع صغيرة في الجزائر
كيف تقيم مشروعا صغيرا ناجحا هده قصة الاخت Lolys création ناشطة على مجموعة للفيسبوك مشاريع الجزائريين سانقل لكم مشروعها كما نقلته بقلمها
السلام عليكم حبيت نشارككم بالقليل من خدمتي و تجربتي الصغيرة مشاريع صغيرة مربحة في الجزائر .
بديت العام الماضي لكوني محبة للخياطة اشتريت آلة خياطة سانجر القديمة بسعر 5000 دج و بديت نمارس هوايتي و نجوز الوقت و بحكم بحثت عن عمل في مجال دراستي و تخصصي #المحاسبة لكن بدون جدوى و بفضل دعم و تشجيع صديقة ليا دفعتني باش نخيط دراوات قلت و لما لا نجرب حضي
بديت ب 2400 دج جزائري اشتريت قماش و خيطت 2 دراوات لسرير مزدوج كبير حطيت صور على ماركت پلايس و كنت نحسب فيهم بسعر جد بسيط تلقيت بزاف تشجيعات و اعجاب من الناس خدمت بزاف و الحمد لله حتى أني اشتريت آلة خياطة صناعية باش تعاوني أكثر ( أندوستريال)
بعدها شفت اني تعبت بزاف في الخياطة للأسرّة الكبيرة و الربح من مشروعي الصغير لي كنت نتلقاه مايتقارنش مع التعب اللي كان ضغف مضاعف اذا رحت ل أفرشة الرُّضّع نحسب فيهم بسعر جد بسيط المهم نجاح فكرة المشروعي واساعد الزاوالي و حتى اللي عندو و وليت نحب نتفنن العمل و نبدع في مشروعي و نزيد من عندي و كلما نقوم بخياطة طقم رضيع نبقى نشوف وجه الصبي في لقماش ههه لقيت اقبال الحمد لله و ان شاء الله نوصل و نحقق هدفي .
صفحات الاخت Lolys création للتواصل وطلب المنتج او التعاون
حساب الفيسبوك اضغط على الرابط
صفحة الفيسبوك اضغط على الرابط
حساب انستغرام اضغط على الرابط
مشروع بيع الخضر في الجزائر
مشاريع صغيرة في الجزائر
تجربتي في فتح محل خضار او مشروع محل بيع الخضار والفواكه في الجزائر نقل تجربة هدا المشروع الناجح بقلم وخبرة Mohamed Abdelmalek Zerkout
عندو مدة و المشروع المربح عامل محل خضار هدا في بالي (خاصة انو لقيت المحل تاع الوالد في حي سكني كبير بلبزاف و فيه خضار واحد في حانوت صغير تشوفو يهرب خاطرك)
خممت في حانوت هكدا يكون عصري و الحاجة لي تميزو النظافة و طريقة عرض السلع….
الديكور كيما هادا راه يستقام حوالي من 5 إلى 7 ملاين على حساب مساحة المحل…… رح تخدم تقريبا غير بالحطب تسما تشوف نجار يخدملك خدمة نقية و بحطب يكون صحيح
السلعة كيفاش جيبها خضار بالجملة
لازمك تعرف اسواق الخضر و الفواكه بالجملة دير في بالك بلي
– الجودة المليحة على 3 تاع صباح
– السعر المليح على 9 تاع صباح
مايساعدكش كون تكري camionnette كل يوم تستقاملك حوالي 1000/1500دج تنقصها من لاروسات. مع العلم و عندك كمية محددة تشريها (لليوم الواحد)
مشتريات تجارة الخضار تعد احدى أسرار تجارة الخضار
مثلا البطاطا كي تجي تشوف تلقى بلي بزاف ناس يشروها – – مالا على الاقل… على الاقل جيب
- حوالي 70/80 كغ منها يوميا
- الطماطم حوالي 40 كغ
- البصل حوالي 30 كغ
- الكورجات و الكاروت حوالي 25 كغ
و الباقي 10/15 كغ
السعر و هامش الربح يكون دوما مختلف معندكش نسبة معينة تاع ربح (الاسعار مجرد أمثلة*)
قادر بطاطا تشريها بـ30دج تبيعها 60دج
البصل تشريه 80دج تبيعو 100دج/90دج
تسما مكاش سعر محدد ولا نسبة معينة لهامش الربح تاعك
كيما قلنا تكون عندك camionnette هكدا تروح بيها لسوق الجملة تشري واش تحتاج سلعة و تشري الكاليتي المليحة مام تكون غالية.
تديها للمحل تاعك و تمسحها مليح ترجعها نقية و جاهزة للعرض كاين وين خطرات تلقى الحبات مخلطين مثلا بطاطا كيما قلنا تشريها بـ30دج تغسلها و تمسحها تقسمها على زوج جيهة تبيعها 60دج للكيلو و جيهة 50دج للكيلو
كي تكمل تنظمها في الصناديق تاعها و تكتب الأسعار في كل صندوق.
دير قدام الصنادق ساشي transparente هكا ناس يرفدو فيها و يجو ليك توزنلهم و تقولهم شحال جاتهم….. نتا تحكم لاكاس برك و توزن هدا مكان الناس يخدمو رواحهم
نتمنى نكون أفدتكم يالوكان بمعلومة خفيفة.لهده نصائح لمن يريد العمل في مشروع محل خضار وفواكه
الشكر موصول للأخ Snei Jder للمعلومات المفصلة هادو 👏❤️ ربي يعطيه كل خير و يوفقو في دراستو
مشروع صنع وطريقة عمل الكرات للديكور من المنزل
فكرة مشروع صنع وطريقة عمل الكرات للديكور من المنزل من Delphine Benallal وقام بوضع جميع الخطوات كما هو موضح في الصور
مشروع الرسم للشخصيات المشهورة واعادة بيعها
بقلم Sam Mra نحتاج نعرف كيفاش نستغل موهبتي في مشروع او عمل
مشروع مطحنة تطحن التوابل و القهوة
مشاريع صغيرة في الجزائر
نشر فكرة مشروع مطحنة رحاية بالعامية تطحن التوابل و القهوة بقلم Hamza Aidoudi
سلام خاوتي المنشور هذا للافادة و الاستفادة لي في الصورة مطحنة رحاية بالعامية تطحن التوابل و القهوة مشروع جيد و الالة هذي تقدر تربح زبائن مثال يشري عليك توابل كعب ( حب ) و يطحنها هوا يستفاد يديها جديد و فيها الريحة و يضمن ما تكونش السلعة مغشوشة لاخاطر اغلبية السلع الان مكان مكان دخلها فيه الغش المهم هذي لوكان تكون في محل وسط حي شعبي ولا ولاية كبيرة راح دخلك فايدة كبيرة و ربي يوفق الجميع
مشروع صغير بيع المحاجب
نعم اختي الكريمة هدا المشروع متطلباته جد بسيطة ولا يتطلب سوى الصبر والنشر على صفحات التواصل الاجتماعي ويعتبر من المجالات المربحة
مشروع الرسم بالالوان
الرسم هو فن ومشروع مربحي يستلزم عمل علاقة ما على سطح ما، وهو التعبير عن الأشياء بواسطة الخط أساساً والانتباه لعامل الظل والضوء،وغيرها من الفنون والبراعة في اتمام هدا العمل المربح نترككم مع رسومات رائعة للفنانة Bii Ray التى تريد تحويل خبرتها في الرسم الى مصدر رزق والكسب المال منها
فكرة مشروع المكتبة المتنقلة
مشروع خفيف لا يكلف راس مال كبير وهو “عربة مكتبة متنقلة” تعمرها ادورات مدرسية وتحطها وحلويات مشروع رائع وجد مربح ماعليك سوى تقلع الحشمة وتتكل على الله بحذا فكرة صغير ناجحة للنساء والرجال.
مشروع بيع الاكسسوارات و المجوهرات الغير الثمينة
مشاريع صغيرة في الجزائر
بقلم الاخت Fella Denni
السلام عليكم و رحمة الله تعالى و بركاته ،
مرحبا انا شابة ذات ٢٠ سنة طالبة في القطاع الصحي لدي بكالوريتين في العلوم التجريبية ، صاحبة مشروع صناعة الاكسسوارات و المجوهرات الغير الثمينة .
سأروي حكايتي لتحفيزكم و في نفس الوقت أعرفكم على عملي.
بدأت بمشروعي في الجزائر قبل سنتين اي عندما حزت على اوّل بكالوريا ، إدخرت المال المقدم لي كهدية و بدأت أفكر في بداية مشروع فجاءت الفكرةً في بالي و لاسيّما أنني كنت مبدعة منذ الصغر في هذا المجال .
ذهبت الى سوق الجملة لشراء المواد الاولية ، اشتريت بعض المعدّات : الخيوط ، العقاش …الخ
ثم توكلت على الله .
بدأت في بيع منتجاتي للعائلة و الأصدقاء ثم قمت بفتح حسابات على التواصل الاجتماعي للتسويق ، لكني لم أنجح في الامر ففي غضون سنتين حصلت الاّ على فئة قليلة من المتتبعين و الاقلية منهم زبائن أوفياء، لكنني لم أستسلم رغم كل التعليقات السلبية الغير المشجعة القاتلة للطاقات .
و التكوين الثاني Germe في التسيير الحسن للمؤسسة ، فقد فادني كثيرا في مشروعي السابق.
أكملت عملي في صناعة المجوهرات و في نفس الوقت أخيط بعض الأشياء و أبيعها اونلاين (بمكينة قديمة) .
بعد عدّت سنوات سأتخرّج و ألتحق بمنصب عملي الدراسي ، و هدفي أن تكون لي آنذاك ورشة خياطة و محل أبيع فيه منتجاتي ✅.
نصائحي الذهبية لبداء مشروع بيع الاكسسوارات و المجوهرات :
– ادّخروا بعض المال و إن كنتم طلاب فسينفعكم لاحقاا
– ب 2000 DA فقط يمكنكم بداية هذا المشروع ، اشتروا الاّ المعدات الاّزمة من خيوط ، جواهر ، اسلاك و الشيء الاساسي معدّات صناعة المجوهرات تقدّر ب 1000 دج على الأكثر
– ابدؤا عملكم و لا تسمعوا لقاتلي الطاقات
– تصفحوا تطبيق pinterest لرؤية DIY و Tutoriels للتعلم اكثر و إكتساب المهارات
– قوموا بالتسويق جيداا و بيعوا المحلات منتجاتكم
صفحات الاخت Fella Denni للتواصل وطلب المنتج او التعاون
صفحة الفيسبوك اضغط على الرابط
حساب انستغرام اضغط على الرابط
مشروع مربح فكرة خياطة طابليات تاع كوزينة في الجزائر
غالبًا ما يكون اختيار المئزر صعبًا بعض الشيء ، خاصة وأن هناك العديد من الخيارات المتاحة. لقد وضعت مجموعة من الانواع لمئازر المطبخ
يمكنك العمل في المنزل والتعلم عبر اليوتوب وهده بعض الصور لموديلات مشاريع منزيلة للنساء في البيت
مشروع تجارة الاحذية المستعملة في الجزائر
يتخلص العديد من السكان في العالم والدول المتقدمة من الاحدية الخاصة هده احدى الفرص لبدء مشروع صغير ومربح وبدء تجارة الاحذية المستعملة ادا اردت جميع التفاصيل اضغط على الرابط لوجيهك الى موقع متخصص في تجارة الاحذية المستعملة.
مشاريع صغيرة في الجزائر “أونساج”
تعتبرالوكالة الوطنية لدعم تشغيل الشباب (ANSEJ) شركة وطنية متلها متل CNAC وANJEM لدعم الشباب وتمويل الشاريع المحفزة للشبباب الجزائري على شكل قروض من 28 إلى 29بالمئة من التكلفة الإجمالية للمشروع مع التخفيض في نسبة الضرائب وتتمثل الاعانات في ثلاث صيغ مساهمة صاحب المشروع والوكالة الوطنية لدعم تشغيل الشباب (ANSEJ) او المساهمة الشخصية +تمويل الوكالة والبنك متل bdl وبنك bna حسب المشروع وهده قائمة بجميع المشاريع المتوفرة
فكرة مشروع صغير ومربح نافورة شلال داخلي او تصنيع نافورة حديقة خرسانية
مشاريع صغيرة في الجزائر
كيفية صنع نافورة مياه خرسانية. إنه مشروع ملموس رائع يمكنك القيام به في المنزل !! ، في هدا الفديو سيوضح لك كيفية إنشاء نافورة شلال رائعة والربح منها باستخدام الأسمنت والرمل بشكل . كما يعتبر من مشاريع الديكور.
*** المواد :
الستايروفوم (أو Thermocol)
——— سمك القاعدة: 4 سم
——— سمك الجدار: 4 سم + 2 سم
غراء خشب: غراء أبيض
أنبوب PVC (للمضخة): الطول 30 سم ، قطر المدخل: 6 مم
الاسمنت: أسمنت بورتلاند عادي – أسمنت
الرمال
مضخة مياه غاطسة صغيرة 120 لتر / ساعة
محول الطاقة من 3-12V
مادة DAS (لب الورق).
راتنجات الايبوكسي + محفز
طلاء أكريليك
مشروع تربية الأرانب في الجزائر
المشاريع لا تنتهي خد الافكار وجسدها وتعمق بها
https://www.youtube.com/watch?v=v3PdS4uTmQk
القائمة متواصلة التحديث وكل من لديه مشروع صغير مربح في الجزائر يراصلني عبر صفحة الفيسبوك وسانشر مشروعه مع جميع البينات الرقم والصفحة وغيرها مجانا
تابع ايضا بعض المشاريع الناجحة عبر الانترنت
الربح من الفيس بوك facebook instant articles
ربح المال مقابل تصفح الويب في وقت فراغك
10 نصائح إنشاء تطبيق مربح
24 طريقة كسب المال عبر الإنترنت 2020
العمل عبر الانترنت 2020
أفضل 11 وظيفة عمل من المنزل لعام 2020 (أفضل الوظائف على الإنترنت)
سلام لقد ارسلت مشروعي مع كل المعلومات ارجو النسر في اقرب وقت